Norsk arbeidsliv har vorte digitalisert og algoritmisk styring endrar norske arbeidsplassar, på godt og vondt.
Programvare blir seld inn på norske arbeidsplassar med argument om at det mellom anna kan bidra til å minimera risiko, auka produktivitet, forbetra avgjerdsgrunnlag og kontroll, og styrkja konkurranseevna.
Men stemmer dette?
HK Norge i samarbeid med Arbeidsforskningsinstituttet AFI inviterer til ein temadag, der me skal spørja oss om me kan utøva medråderett når det gjeld innføring og utforming av digitale og algoritmiske styringssystem, og dei faktiske konsekvensane deira og bruk.
Program, ope for alle
AFI-forskarane Tereza Østbø Kuldova og Gudrun Rudningen innleier først om eksisterande så vel som framtidige digitale styringssystem. Mellom anna vil du kunna få nærare informasjon om:
- algoritmisk styring, HR-teknologi, «compliance», RegTech
- «digital først» - ein digitaliseringsstrategi som har vore utbreidd i mange nyheitsredaksjonar over heile verda
Etter innlegga vil det opnast opp for kommentarar, erfaringsutveksling og spørsmål.
- Kl. 09.30 Registrering: kaffi og croissantar
- Kl. 10.00 Innleiing v/forskar I Tereza Østbø Kuldova, Arbeidsforskningsinstituttet AFI, OsloMet
- Kl. 10:30 Innleiing v/forskar II Gudrun Rudningen, Arbeidsforskningsinstituttet AFI, OsloMet
- Kl. 11:00 Spørsmål frå salen
Utfordringar til diskusjon
Få spør seg korleis digitale og algoritmiske styringssystem endrar organisasjon av arbeidet, og sjølve innhaldet i folks arbeidskvardag. Utfordringane er mange:
- intensivering av arbeidet
- auka press
- innskrenking av fagleg skjønn
- diskriminering
- invaderande overvaking
- digitalisering blir gjord sjeldan til gjenstand for diskusjon i medråderettsapparatet
- tillitsvalde kan oppleva det krevjande å øve innverknad både før og etter at verksemdsleiinga har vedteke å setja i verk nye digitale system.
