Disputas: Kaja Lien Smedbråten
Kaja Lien Smedbråten forsvarer avhandlinga si "Muskelskjelettsmerter blant unge: Helseplager og livsstilsvanar i samanheng med framtidig muskelskjelettsmerte" for doktorgraden i helsevitskap.
Kaja Lien Smedbråten forsvarer avhandlinga si "Muskelskjelettsmerter blant unge: Helseplager og livsstilsvanar i samanheng med framtidig muskelskjelettsmerte" for doktorgraden i helsevitskap.
Prøveforelesing: Korleis kan epidemiologisk forsking bidra til kunnskap om ungdommar sin føresetnad for god helseutvikling på ein måte som er overførbar til praksis?
Vurderingskomité:
Disputasleiar er førsteamanuensis Marianne Bakke Johnsen, OsloMet.
Hovudrettleiar er professor Britt Elin Øiestad, OsloMet. Medrettleiar er professor Margreth Grotle, OsloMet.
Muskelskjelettsmerter er utbreidde blant ungdom og unge vaksne, og representerer ei belastning for dei unge sjølv, familiane deira, og samfunnet samla sett. Å oppleve muskelskjelettsmerter i ung alder har dessutan sterk samanheng med muskelskjelettsmerter seinare i livet.
Det er behov for auka kunnskap om kva faktorar blant unge som har samanheng med utvikling og varigheit av muskelskjelettsmerter. Denne informasjonen er nødvendig for å kunne utvikle framtidige førebyggande og behandlande intervensjonar.
Det overordna formålet med denne avhandlinga var å bidra til kunnskap om muskelskjelettsmerter blant unge, gjennom å undersøke samanhengar mellom livsstilsfaktorar og helseplager med framtidige muskelskjelettsmerter.
Denne avhandlinga er basert på tre kohortstudiar om ungdom og unge vaksne med lang oppfølgingstid (frå to til elleve år), der vi har nytta data frå tre store helseundersøkingar i Noreg.
Funna våre indikerer at livsstilsvanar og helseplager har samanheng med framtidig muskelskjelettsmerte blant ungdom og unge vaksne, spesielt ved kombinasjon av fleire ugunstige livsstilsvanar eller fleire helseplager. Funna tyder på at muskelskjelettsmerte blant unge bør betraktast i ei breiare helsekontekst.