Disputas: Merete Tunestveit
Merete Tunestveit disputerer for ph.d.-grada i sosialt arbeid og sosialpolitikk med avhandlinga "Mellom praksis og forsking -forskingssirkel til utvikling av kunnskap og praksis for barn sin medverknad i barnevernet.»
Merete Tunestveit disputerer for ph.d.-grada i sosialt arbeid og sosialpolitikk med avhandlinga "Mellom praksis og forsking -forskingssirkel til utvikling av kunnskap og praksis for barn sin medverknad i barnevernet.»
Tittel på prøveforelesing: Diskuter mulige problematiske sider ved barn og unges medverknad i barnevernet, sett opp mot prinsippet om «barnets beste».
Doktoranden vil offentleg forsvara avhandlinga kl. 12.00
Dekan Oddgeir Osland, Fakultet for samfunnsvitskap, OsloMet – storbyuniversitetet
Denne avhandlinga gir innsikt i korleis individuell og kollektiv medverknad kan bidra til å styrke barn og unge sin posisjon i barnevernet. Med utgangspunkt i forskingssirkel som forskingsstrategi, utforska avhandlinga moglegheiter og utfordringar for barn sin medverknad i barnevernet.
Studien viste at barnevernsarbeidarane ofte tok eit proteksjonistisk ståsted, noko som hindra deltaking. Likevel, forskingssirkelen bidrog til utvikling og ny forståing, og skapte grunnlag for å endre praksis. Endringane inkluderte nytt samtalerom, forbetra og nye rutinar og metodar for barn sin medverknad i barnevernet.
Avhandlinga viser at barn og unge ønsker å delta både individuelt og kollektivt i barnevernet. Deltaking blir sett på som meiningsfullt og som ein måte å forbetre tenestene for andre. Studien avdekte at strukturelle og organisatoriske utfordringar, samt eit proteksjonistisk syn på barn, hindrar barnevernet i å legge til rette for barn og unge sin deltaking.
Avhandlinga konkluderer med at barnevernet treng å få erfaring med å la barn og unge delta under deltakingsfremjande tilhøve. Vidare treng dei å forstå viktigheita av trygge relasjonar for å støtte barn og unge i å uttrykkje meininga si. Forskingssirkel kan fungere som eit verktøy for å utvikle kunnskap om deltaking i barnevernet, og støtte betre praksis for både individuell og kollektiv deltaking.