Leikesamlinga er ein viktig del av Institutt for barnehagelærarutdanning sin identitet og formidlar eit viktig historisk innblikk i leiker gjennom tidene.
Samlinga er utstilt rundt om på Campus Pilestredet:
- Pilestredet 52, 1. etasje
- Pilestredet 42, 3. og 4. etasje
- Pilestredet 48, 1. etasje (Balkeby)
- Pilestredet 46, 1. etasje
I samlinga finn du både meir klassisk leiketøy som treleiker, klossar, putteboksar, sorteringsmateriell, Montessori-materiell og Turid Balke si eigen Balkeby.
Frå leiker for å lære til leiker for å leike
Mykje av det eldste materiellet er laga ut frå ein pedagogisk idé om læring gjennom bruk av materiell. Her var den pedagogiske idéen at leiketøyet skulle ha ein læringseffekt retta mot bestemte læringsmål.
Dei nyare delane av denne samlinga består av leiker som i større grad er å finne rundt om i heimar og i barnehagar i Noreg. Det bygger i større grad på ein pedagogisk idé om at læring oppstår naturleg i leik med leiketøy utan fokus på at leiketøyet har ein bestemt hensikt om kva som skal lærast.
Leikesamlinga har spelt ein viktig rolle som undervisningsmateriell og har hatt stor verdi i barnehagelærarutdanninga gjennom tidene. Samlinga har vore brukt både i undervisinga på barnehagelærarutdanninga og i gruppearbeid som dreidde seg om barn sin leik og i praksis. Ho har hatt stor verdi både praktisk og teoretisk.
Balkeby
Turid Balke blei fødd 25.07.1921 i Kirkenes og døde i Oslo i 2000. Ho var skodespelar, regissør, scenograf og barnebokforfattar og var utdanna ved Statens handverks- og kunstindustriskole.
Ho hadde også utdanning frå Statens handverks- og kunstindustriskole og både måla og laga fargerike treleiker, som små hus og figurar i det ho kalla «Balkeby», inspirert av hennar barndom i Kirkenes i 1930-åra.
