Styret har 13 medlemmer og fungerer i fire år, frå 1. august 2023 til 31. juli 2027. Studentmedlemmene og representantar for mellombelse vitskaplege tilsette har ei funksjonstid på eitt år (studieår).
Dekan Roger André Federici er leiaren i styret.
Styret har:
- Fire eksterne medlemmer utnemnde av rektor etter forslag frå fakultetet.
- Fem representantar for tilsette. Tre blir valde av og blant vitskaplege tilsette, ein blir valt av og blant teknisk/administrativt tilsette, og ein blir valt av og blant vitskaplege mellombelse tilsette.
- Tre representantar valde av og blant studentane på fakultetet.

