Barnehagelærarutdanninga 90 år: Ei feiring av fortid, notid og framtid

Feiringa av 90 år med barnehagelærarutdanning fann stad 2. til 4. september 2025.

På bursdagsfesten den 2. september, hadde vi besøk av rundt 200 barnehagebarn som deltok i skapande aktivitetar og leik på studiestad Pilestredet.

Barn sit i ein sal og følger med på noko som skjer framfor dei

Barn som leikar i ein gymsal mens vaksne held eit fargerikt teppe høgt over dei.

Barna besøkte leikestasjonar i festivalteltet, og kunne dele sine tankar og drøymer om framtidas barnehage i spåteltet. Dei boltra seg med aktivitetsløype i gymsalen, og høyrde på forteljingar og musikk inne i Pilestredet 52.

Ein gardsplass mellom murbygningar med eit festivaltelt omringa av barn og vaksne.

To menn som talar og bakhovuda til to publikummarar

I tillegg hadde vi endå fleire deltakande vaksne på det faglege programmet: studentar, tilsette i barnehagar, noverande og tidlegare kollegaer ved barnehagehagelærarutdanninga ved OsloMet og samarbeidspartnarar frå inn- og utland.

Trefte mange ulike målgrupper

Instituttleiar Kristin Danielsen Wolf fortel at tilsette ved instituttet har fått tilbakemeldingar om at jubileumsarrangementa har vore interessante og varierte, og at dei trefte mange ulike målgrupper.

Ei kvinne med bursdagskrone står foran glade publikummarar

Ein mann tar bilde med mobiltelefon av seg sjølv og to kvinner

– Vi er glade for å ha fått synleggjort mange sider ved barnehagelærarutdanninga gjennom tidene, både fortid, notid og framtid. Arrangementa har løfta fram utdanninga, samarbeid med eksterne aktørar, og forskings- og utviklingsarbeid ved instituttet, seier Wolf.

Eit gyllent høve til å løfte fram barnehagelærarutdanninga

Ho meiner verdien ved å markere slike jubileum ligg i at vi stoppar opp litt og set av tid til ettertanke og refleksjon.

– Når 90-årsjubileet også fell på ei tid med utfordringar knytte til søkkande søkartal og rekruttering til både barnehagelærarutdanninga og barnehagefeltet, var dette eit gyllent høve til å fortelje andre historier om det å utdanne seg til lærar for barn i barnehagen, og om det å arbeide i barnehage.

Ein mann syng i ein mikrofon mens musikarar speler på ei scene.

Åtte kvinner står utandørs på studiestad Pilestredet og smiler mot kamera.

Ho fortel at arbeidet med ny felles rammeplan for alle lærarutdanningane representerer ei mogleg kommande brytningstid for barnehagelærarutdanninga.

– Nettopp i slike tider er det nyttig å minne oss sjølve om historia og fundamentet til utdanninga. Dette er vesentleg og viktig når vi skal vidareutvikle og fornye barnehagelærarutdanninga for framtida, seier Wolf.

Sjå opptak av arrangementa

Barnehagelærarutdanninga 90 år: Bursdagsfest (2. september)

Barnehagelærarutdanninga 90 år: Barnehage og utdanning hand i hand (3. september)

Barnehagelærarutdanninga 90 år: Fagligheit, forsking og formidling (4. september)

Kontakt

Laster inn ...

Publisert: 30.09.2025 | Siv Tonje S. Håkensen | Foto: Benjamin A. Ward / OsloMet

Sist oppdatert: 30.09.2025