Eit av måla med "fagfornyinga", som førte til innføringa av læreplanverket LK20, var å gjere innhald i faga tydeleg og sikre at opplæringa blir meir relevant.
Evalueringa av dei nye læreplanane viser likevel både
- at reforma ikkje har ført til ei styrking av innhaldsdimensjonen i faga (Karseth m.fl., 2020)
- at elevane "relativt sjeldan opplever lærestoffet som interessant og engasjerande" (Brandmo m.fl., 2025, s.13).
Til å innleie har vi invitert Christian Brandmo (Universitetet i Oslo) som har deltatt i evalueringa av fagfornyinga, Loa Ingeborg Bjerre (UCL Erhvervsakademi og Professionshøjskole), som leier utviklinga av nye fagplanar for historiefaget i Danmark, og Knut Ove Æsøy (OsloMet) som har spelt ei aktiv rolle i debatten om dei norske kompetansemålbaserte læreplanane.
Arrangementet er gratis, men påmelding krevst pga. servering.
