KunstForsk – Kunstbasert forsking og utviklingsarbeid

Forskingsgruppa KunstForsk - Kunstbasert forsking og utviklingsarbeid spring ut av kunstfagmiljøa ved fakultetet for lærarutdanning og internasjonale studiar, og behova deira for å bruke, utvikle og vidareutvikle spesifikke metodar og metodologiar knytte til den kunstbaserte forskings- og utviklingsarbeidet til miljøa.

Initiativet til KunstForsk kjem frå barnehagelærarutdanninga, men gruppa har medlemmer også frå andre utdanningar, og tilbyr eit forskarfellesskap for kunstdidaktikarar og kunstutøvarar frå fleire institutt.

KunstForsk er eit forskar- og forskingsfellesskap der ein forskar med, på, gjennom og i kunstfaga – gjerne i kombinasjon med meir tradisjonelle vitskaplege tilnærmingar. Det er interessa for dei særeigne forskingsprosessane til kunstfaga som er utgangspunkt for, og nava i, arbeidet i gruppa, men metodologisk står medlemmene/prosjekta i ulike tradisjonar.

Det kan dreie seg om kunstnarisk forsking/«artistic research», a/r/tografi, praksisleidd forsking, estetisk basert forsking og meir tradisjonelle kvalitative forskingsmetodologiar. Også vitskapsteoretisk finst eit strekk blant medlemmene/prosjekta, frå meir hermeneutisk-fenomenologisk- til meir postmoderne og posthumanistisk tenking.

KunstForsk ønsker å bidra til kontinuerleg eksplorering og diskusjon om utvikling av kunstfagleg forskingsmetodologi. Gruppa er også engasjert i arbeidet med å vidareutvikle og bruke NVI+-ordninga ved fakultet, og meir generelt å artikulere kunstnariske prosessar – i kunstmedium såg vel som verbalt. Derfor vil KunstForsk jamleg invitere til både framsyningar, konsertar, utstillingar og foredrag.