Trimble Technology Lab i Pilestredet 35, og skal ha minst 20 arbeidsstasjonar for studentar.
Utstyret frå Trimble skal nyttast i undervisning og forsking innan mellom anna vegprosjektering og -planlegging, transportinfrastruktur, masseutrekning, vatn og avløp og arealplanlegging.
Hovudtyngda av bruken ligg hos byggingeniørstudentane, men også fagmiljø innan transport og byplanlegging vil ha nytte av satsinga der det er naturleg og praktisk mogleg. Når det høver kan også fagmiljø på tvers fakultetet og universitetet dra nytte av laben.
Avtalen, som gjeld frå februar 2026 til 2030, omfattar programvare, utstyr og opplæringsressursar til undervisning og forsking, og er utan kostnad for OsloMet.
Om OsloMet klarar å gjere full bruk av gåva, er den samla verdien mange millionar US-dollar.
Betre rusta for arbeidslivet
– Vi er svært nøgde med å halde fram det gode samarbeidet med Trimble, seier instituttleiar Yonas Zewdu Ayele ved Institutt for bygg- og energiteknikk.
– Avtalen gjer at studentane får tilgang til bransjeleiande programvare og avansert feltutstyr som følgjer norske standardar, og dermed står dei endå betre rusta for arbeidslivet.
Instituttleiar Yonas Zewdu Ayele er godt nøgd med at avtalen med Trimble er fornya. Foto: Olav-Johan Øye
Trimble Europe B.V. har sidan 2020 gjort det mogleg å drive laben ved OsloMet. Den nye avtalen er ei vidareføring.
Breitt spekter av programvare og utstyr
Gåva omfattar eit breitt spekter av Trimble-programvare, og i tillegg nytt utstyr, mellom anna Trimble SiteVision (HPS2), robotisert totalstasjon og robuste Yuma-nettbrett.
Trimble tilbyr innleiande opplæring og støtte for programvare og utstyr.
Biletet øvst i artikkelen viser byggingeniørstudentane Kajenthan Kugasanth (til venstre) og Karam Khan, som er godt nøgde med Timble Lab. Han er svært nyttig for dei som studentar. Her på plass i laben.
Fakta om bruken av laben
Trimble programvare skal blant anna brukast av studentar innan studieretningane by- og transportplanlegging, vann- og miljøteknikk og konstruksjonsteknikk.
Hovudtyngda av bruken ligg innan:
- Transportinfrastruktur, det vil seie vegprosjektering, vegplanlegging og jernbane. Studentane brukar Trimble Novapoint, Quadri og Quantm til modellering, linjeføring, masseutrekning og optimalisering av traséar i tråd med norske standardar. Verktøya blir nytta til prosjektering, analyse og visualisering av veg- og jernbaneanlegg.
- Vatn og avløp (VA). Programvara blir nytta til prosjektering av VA-anlegg, utvikling av terrengmodellar, masseutrekningar og koordinering mot veg- og arealplanar.
- Arealplanlegging og digital samhandling (BIM for infrastruktur). Quadri blir nytta som samhandlingsplattform for tverrfagleg koordinering i infrastrukturprosjekt.
- Bachelor- og masteroppgåver. Programvara blir brukt aktivt i oppgåver innan transportinfrastruktur og VA, særleg Novapoint IDS Pro, Quadri og Quantm, i arbeid med bransjenære problemstillingar.
