NOVA skal undersøke kva erfaringar barn og unge som kjem som flyktningar saman med familien, har med busettings- og integreringsprosessen, og korleis kommunane jobbar med denne gruppa.
Barn og unge utgjer ein stor del av flyktningane som kjem til Noreg, og dei fleste av desse kjem hit saman med ein eller begge foreldre.
Vi veit lite om erfaringane desse barna og unge har med busettings- og integreringsprosessen, og om korleis kommunane jobbar med dei.
I prosjektet skal vi gjennomføre intervju med barn og unge busette med familiane sine dei siste fem åra, og med kommunetilsette og andre aktørar som jobbar med busetting og integrering. Ved hjelp av ei spørjeundersøking og intervju vil vi kartlegge tiltaka frå kommunane overfor denne gruppa.
Dataa vil bli samanlikna og utgjere grunnlaget for ei samla analyse og utarbeiding av oppfordringar for det vidare arbeidet. Prosjektet tar ikkje for seg nokon bestemt nasjonalitet blant flyktningar tatt imot dei siste åra, men vil inkludere ein eigen tilleggsdel som fokuserer på barn og unge som har flykta frå Ukraina med familiane sine.
Kunnskapen frå prosjektet vil gi grunnlag for ei best mogleg tilpassing av arbeidet i kommunane til dei behova som barn og unge med fluktbakgrunn har, slik at det kan leggast til rette for at dei skal ha ein god tilhøyrsel til lokalsamfunna sine.
Prosjektdeltakarar på OsloMet
Samarbeidspartnar
Publikasjonar
Mathisen, T.; Seeberg, M.L.; Fretheim, I.S.; Harsheim, I.G.; Falch, N,.S. (2024). Barn i familier med fluktbakgrunn. Sluttrapport: tiltak for inkludering, medvirkning og tilhørighet. NOVA Rapport 3/24 (oda.oslomet.no)
Mathisen, T.; Seeberg, M.L. & Skiple, A. (2023). Barn og unge i familier med fluktbakgrunn. Erfaringer med inkludering og tilhørighet. NOVA rapport 12/23 (oda.oslomet.no)
