Slik kan din kommune samarbeide med OsloMet

Eksempel: "Hvor er mine brødre?"

Prosjektet «Hvor er mine brødre?» har som mål å få fleire med fleirkulturell bakgrunn til
å velge høgare utdanning – særleg utdanningar som barnehagelærar, lærar og barnevernspedagog.
«Hvor er mine brødre?» besøker skolar for å motivere ungdom til å ta gode val tidleg i livet.
Studentar frå ulike utdanningar på OsloMet er ressursar og rollemodellar i møte med elevane.

Utdanningssamarbeid

Rekruttering av studentar frå samarbeidskommunar

OsloMet samarbeider med kommunane på Romerike om å få fleire unge i regionen til å søke seg til høgare utdanning, for å bidra til å løfte utdanningsnivået på Romerike og rekruttere fleire unge inn i yrke som det er stort behov for i regionen, til dømes i skole, barnehage, helsetenester og næringsliv.

Vi har fleire studentrekrutteringstiltak retta mot unge på Romerike, i samarbeid med dei vidaregående skolane, Akershus fylkeskommune og kommuneleiarar i regionen.

Tiltaka inkluderer aktivitetar som kan bidra med motivasjon og god informasjon
til unge potensielle studiesøkarar på Romerike. Erfaring viser at møte med gode rollemodellar er viktig når unge skal velge utdanning.

To menn held ein presentasjon for elevar.

Eksempel: Kurs for personar med pedagogisk utdanning frå utlandet

Kurset Innføring i norsk barnehage og skole gir kunnskap om organisering, verdigrunnlag og pedagogikk i norske barnehagar og skolar.
Målgruppa er personar med relevant pedagogisk utdanning frå utlandet, som vil bli kjent med barnehage- og skolesektoren i Noreg.
Første kursrekke blei arrangert våren 2024. Blant deltakarane var dei ukrainske lærarane Yuliia Fediainova-Spichak og Olena Sarachan, som kom til Noreg i 2022, og no er i jobb i skolen.

Etter- og vidareutdanningstilbod for dei tilsette i kommunen

OsloMet tilbyr ei rekke etter- og vidareutdanningar som er relevante for tilsette som ønsker kompetanseheving:

Vidareutdanningar er emne som gir formell kompetanse på universitetsnivå med studiepoeng. Dette kan vere emne som inngår i ein grad (bachelor, master), eller frittståande emne utanfor gradssystemet.
Etterutdanningar er kortare kurs utan eksamen og studiepoeng, og som ikkje inngår i eit gradssystem.

Alle studieprogram på OsloMet

OsloMet tilbyr også skreddarsydd kompetanseheving for organisasjonar, innanfor mange fagområde.

Samarbeid om bachelor- og masteroppgåver

Fleire av utdanningane på OsloMet arrangerer såkalte mastertorg der organisasjonar frå offentleg og privat sektor presenterer problemstillingar som kan vere tema for masteroppgåver.

Eksempel på mastertorg:

Samarbeid om rettleiing av studentar i praksis

OsloMet er eit profesjonsuniversitet og utdannar studentar til mange ulike yrke. Dei fleste av
utdanningane våre inneheld ei eller fleire periodar i praksis i arbeidslivet, og det er behov for praksisrettleiarar som kan følge opp studentane på praksisplassen.

Eksempel: BoVel - Bu lenger heime med sosial velferdsteknologi

Prosjektet BoVel har som mål å forbetre kommunale helse- og omsorgstenester for eldre ved å utvikle, implementere og teste ei ny sosialteknologisk teneste.
Prosjektet skal avdekke om bruk av sosial teknologi kan bidra til økt livskvalitet og sosial kontakt for heimebuande eldre med pleiebehov.
Tenesta tar utgangspunkt i kommunikasjonsløysinga Komp, som er utvikla av teknologibedrifta No Isolation AS.
Tenesta blir testa ut i reell drift i heimetenesta i Oslo kommune.

Forskingssamarbeid

Forsking er ein sentral del av verksemda ved OsloMet og eit overordna strategisk mål er å produsere «forsking av høg kvalitet, utvikle kunnskap som løyser samfunnets utfordringar og ha forsking som bidrar til å utvikle utdanningane».

Samarbeid om forskings- og innovasjonsprosjekt

OsloMet samarbeider med kommunar om eksternfinansierte forskings- og innovasjonsprosjekt. Desse kan vere finansiert av Norges Forskingsråd, EU, eller oppdragsmidlar frå departement eller andre offentlege eller private verksemder.

I nokre prosjekt er OsloMet og kommunen likestilte partnarar og utfører oppgåver på lik linje, mens i andre prosjekt er kommunane arenaer der ny kunnskap, nye tenester eller nye produkt blir testa ut. Kommunen kan også leie prosjekt der OsloMet er med som partnar eller vice versa.

Eksempel: DIGIT – The Norwegian Research School on Digitalization, Culture and Society

DIGIT (digitresearchschool.no) er ein forskarskole der sju universitet, eit forskingsinstitutt og seks partnarar frå privat og offentleg sektor, deriblant KS, samarbeider.
Forskarskolen tilbyr mellom anna internships hos partnarane frå offentleg og privat sektor slik at kandidatane kan få praktisk erfaring som er relevant for feltet dei forskar på.
Senter for digitalisering, kultur og samfunn (CEDIC) på OsloMet er vertskap for forskarskolen.

Samarbeid gjennom forskarskolar

En forskarskole er eit nettverk av forskingsinstitusjonar og andre institusjonar som saman lagar eit program som er eit supplement til institusjonane sine doktorgradsprogram og kursa som tilbys der.

Ph.d.-stipendiatar og postdoktorar som allereie er tatt opp på ein av institusjonane sine program kan søke om å bli medlem og få tilgang til ulike kurs, workshops og andre arrangement.

Offentleg sektor-ph.d. for dei tilsette i kommunen

Offentleg sektor-ph.d. er ei ordning frå Norges Forskingsråd der ein arbeidsgivar i offentleg sektor kan søke om finansiering for at ein tilsett skal gjennomføre eit doktorgradsprosjekt.

Prosjektet skal vere relevant for ansvarsområdet til verksemda og bygge kunnskap og kompetanse som er relevant og anvendbar for den offentlege verksemda.

Prosjektet er eit samarbeid mellom arbeidsgivar, kandidaten og den gradsgivande institusjonen, skal vere relevant for offentleg sektor og samtidig tilfredsstille krava til vitskapleg nivå som er forventa av eit doktorgradsprosjekt.

Samarbeid om kunnskapskartlegging

Som eit svar på eit konkret behov eller som ei kartlegging før eit forskingsprosjekt, blir det ofte gjennomført systematiske gjennomgangar av forsking og tidlegare arbeid på eit konkret felt.
Slike systematiske litteraturgjennomgangar kan også dekke område som kommunen ønsker meir kunnskap om.

Slik kan din kommune samarbeide med OsloMet

Eksempel: "Hvor er mine brødre?"

Utdanningssamarbeid

Rekruttering av studentar frå samarbeidskommunar

Eksempel: Kurs for personar med pedagogisk utdanning frå utlandet

Etter- og vidareutdanningstilbod for dei tilsette i kommunen

Eksempel: «Gjett hva» - brettspel i norskopplæringa

Samarbeid om bachelor- og masteroppgåver

Samarbeid om rettleiing av studentar i praksis

Eksempel: BoVel - Bu lenger heime med sosial velferdsteknologi

Forskingssamarbeid

Samarbeid om forskings- og innovasjonsprosjekt

Eksempel: DIGIT – The Norwegian Research School on Digitalization, Culture and Society

Samarbeid gjennom forskarskolar

Offentleg sektor-ph.d. for dei tilsette i kommunen

Eksempel: Emnebibliotek for arbeidsinkludering

Samarbeid om kunnskapskartlegging

Eksempel: Arena UNIKOM

Andre samarbeidsmåtar

Kontakt

Slik kan din kommune samarbeide med OsloMet

Eksempel: "Hvor er mine brødre?"

Utdanningssamarbeid

Rekruttering av studentar frå samarbeidskommunar

Eksempel: Kurs for personar med pedagogisk utdanning frå utlandet

Etter- og vidareutdanningstilbod for dei tilsette i kommunen

Eksempel: «Gjett hva» - brettspel i norskopplæringa

Samarbeid om bachelor- og masteroppgåver

Samarbeid om rettleiing av studentar i praksis

Eksempel: BoVel - Bu lenger heime med sosial velferdsteknologi

Forskingssamarbeid

Samarbeid om forskings- og innovasjonsprosjekt

Eksempel: DIGIT – The Norwegian Research School on Digitalization, Culture and Society

Samarbeid gjennom forskarskolar

Offentleg sektor-ph.d. for dei tilsette i kommunen

Eksempel: Emnebibliotek for arbeidsinkludering

Samarbeid om kunnskapskartlegging

Eksempel: Arena UNIKOM

Andre samarbeidsmåtar

Kontakt

Hold deg oppdatert på hva som skjer på OsloMet.