Gjennom initiativet "OsloMet leser" (instagram.no) blir studentar og tilsette inviterte til å lese den same boka og delta i samtaler på tvers av fag, erfaringar og perspektiv. Målet er å styrke fellesskap, refleksjon og dialog ved universitetet.
"OsloMet leser" er ein del av forskingssatsinga "Eit slitesterkt demokrati – OsloMet", som utforskar korleis vi kan styrke demokrati, offentlegheit og tillit i møte med aukande polarisering og samfunnsendringar. Lesing og litteratur kan gi innsikt i andre menneskes erfaringar, utfordre eigne perspektiv og bidra til større forståing for ueinigheit og mangfald.
I boka "Hør her'a!" møter vi Mahmoud, ein ungdom frå Oslo som med humor, varme og skarpe observasjonar fortel om familie, identitet, tilhøyrsel og utanforskap. Romanen har fått strålande kritikkar og er vald som den første boka i "OsloMet leser" nettopp fordi ho opnar for viktige samtaler om tema som gjeld mange i dagens samfunn.
Professor Kristin Skare Orgeret, leiar for "Eit slitesterkt demokrati", ønsker velkommen før programansvarleg for kultur og mangfald, Vibeke Horn, møter forfattar Gulraiz Sharif til samtale.
