Forskingsmiljøet Childlife – Barneliv og profesjonsutøving har vore aktive i meir enn 15 år. Dei siste fire åra har miljøet hatt status som «framifrå forskingsmiljø» på Fakultet for lærarutdanning og internasjonale studier. No inviterer vi til eit seminar om kor vegen går vidare for Childlife – og for OsloMet si satsing på barn og unge.
Program
- Kaffi og te frå 1330
- Velkommen, litt om nettverket, korleis det starta og korleis vi jobbar, Liv Mette Gulbrandsen og Anne Greve
- INTERACT: tverrprofesjonelt arbeid, Runa Kalleson og Liv Mette Gulbrandsen
- Publikasjonar frå nettverket, Sigrid Østensjø
- Formidling: Childlife – ei stemme i samfunnsdebatten, Solveig Østrem
- Såkornprosjektet Tett på, Anita Sundnes
- Childlife-konferansane: «International Childlife conferences» og «Barn og unge på tvers», Wenche Bekken
Pause
- Paneldiskusjon om Barn og unge-satsinga ved OsloMet – storbyuniversitetet.
- Avslutning og takk for i dag!
Om Childlife
Childlife er eit tverrvitskapleg miljø som samlar forskarar frå ulike disiplinar og profesjonsfelt. Eit mål er å synleggjere og skape grobotn for innovativ forsking om og med barn og unge. Vidare ønsker vi å skape ein arena for dialog, samarbeid og kreativitet som kan bidra til ny forsking og kunnskapsutvikling. Gjennom forskingskonferansane våre som blir arrangerte annakvart år, bygger vi internasjonale nettverk.
