- 10.00: Prøveforelesing
- 12.00 Disputas
Vurderingskomité:
- førsteopponent: professor Marlene Sandlund, Umeå universitet, Sverige
- andreopponent: Professor Oddvar Førland, Høgskulen på Vestlandet
- leiar av komiteen: førsteamanuensis Daniela Lillekroken, OsloMet
Disputasleiar er professor Hege Bentzen, OsloMet.
Hovudrettleiar er Linda Aimée Hartford Kvæl, Akershus universitetssjukehus. Medrettleiarar er professor Kristin Taraldsen, OsloMet og professor Are Hugo Pripp, OsloMet.
Samandrag av avhandlinga
Kartlegging som nøkkel til integrerte tenester for eldre personar med multimorbiditet.
Eldre personar som lever med fleire kroniske sjukdommar, såkalla multimorbiditet, har ofte komplekse behov som utfordrar kommunale helsetenester.
Dette doktorgradsprosjektet undersøker korleis heilskapleg kartlegging, som inkluderer fysiske, psykiske og sosiale forhold, kan bidra til betre integrerte og tilpassa tenester for heimebuande eldre personar med multimorbiditet.
Funna viser at kartlegging fungerer best når ho skjer i samarbeid med den eldre personen og bygger på tillit, relasjon og kontinuitet. Når kartlegginga fungerer som eit samhandlingsverktøy, kan ho styrke informasjonsflyten og framme koordinering på tvers av tenestenivå.
Eldre personar opplever tillit som avgjerande – både til helsepersonell og systemet – for å kjenne seg sett og trygg i møte med helsetenesta.
Edmonton Frail Scale er eit relevant og lett anvendeleg instrument for heilskapleg kartlegging. Instrumentet støttar strukturert kartlegging og tidleg identifisering av skrøpelegheit, men må kombinerast med fagleg skjønn og rom for samtale.
Når kartlegginga involverer den eldre og blir støtta av system og profesjonell kompetanse, kan ho bidra til meir personsentrert og integrert omsorg – og dermed betre tenester i praksis. For å lykkast med dette treng helsepersonell tid, opplæring og støtte til systematisk kartlegging.
