Med krig i Europa, politisk ustabilitet og demokratiske verdiar under press, er det verdt å spørje korleis skole og utdanning kan bidra til demokratisk sameksistens.
I samarbeid med Borys Grinchenko Kyiv Metropolitan University (BGKU) og Det europeiske Wergelandssenteret har vi invitert ekspertar frå ukrainske utdanningsinstitusjonar, og dessutan lærerutdannere og skoleforskarar frå tidlegare krigs- og konfliktområde i Europa som Nord-Irland, Baskarland, Georgia og Balkan til to dagers konferanse.
Sjå heile programmet på den engelske nettsida.
Målet er å bygge nettverk og identifisere overførbare kunnskapar og erfaringar. For å gi rom for at deltakarane kan møtast for dialog og drøfting, vil seminaret ha begrensa antall plassar.
Arrangementet blir opna av rektor ved OsloMet, Christen Krogh.
