Samarbeid om forsking og utvikling

Prosjektet undersøker korleis emosjonsbevisstheit og emosjonskompetanse kan styrke kvaliteten i pedagogisk rettleiing i skolen. Bakgrunnen er at Stabekk skole frå hausten 2026 gjennomfører ei skulebasert pedagogisk rettleiarutdanning for heile personalet. Delar av denne satsinga inngår i prosjektet og dannar grunnlag for eit forskings- og utviklingsarbeid i samarbeid mellom Stabekk skole og OsloMet.

Målet er å utvikle og prøve ut praksisnære verktøy for emosjonsbevisst rettleiing og undersøke korleis emosjonar blir aktiverte, blir forstått og handtert i ulike rettleiingssituasjonar. Prosjektet bygger på ei forståing av at emosjonar er ein sentral del av profesjonelle relasjonar og kan ha noko å seie for kvaliteten i rettleiing, samarbeid og læringsmiljø.

Studien har ein fenomenografisk tilnærming og bygger på kvalitative intervju, fokusgruppeintervju, loggnotat og feltnotat. Analysen rettar merksemda mot ulike måtar deltakarane erfarer og forstår emosjonelle aspekt ved rettleiing. Prosjektet undersøker også korleis emosjonelle erfaringar kan innhentast og analyserast i utdanningsforsking.

Prosjektet undersøker og utforskar korleis ei leikande tilnærming til matematikkundervisninga på 1. trinn kan legge til rette for omgreps- og talforståing.

Lærarar på 1. trinn og forskarar ved OsloMet samarbeider om å utvikle eit leikbasert undervisningsopplegg som tar utgangspunkt i elevane sine eigne erfaringar frå leik, og der bruk av konkretar står sentralt. Målet er å utvikle undervisning som engasjerer og motiverer elevane, samtidig som ho støttar forståinga av matematiske omgrep som dannar grunnlag for vidare læring i matematikkfaget.

Prosjektet blir gjennomført i tett samarbeid med éin lærar frå Fjellhamar skole, mens resten av lærarane blir involverte i planlegging, observasjon og etterrettleiing.

Utvikling i fasar

Første utviklingsfase er våren 2027. Opplegget blir deretter vidareutvikla i ein ny fase våren 2028 med ei ny 1. klasse og dei same ressurspersonane som i første fase.

Resultata frå prosjektet blir formidla på Novemberkonferansen (Matematikksenteret) og Begynneropplæringskonferansen (Høgskulen på Vestlandet), og arbeidet kan også danne grunnlag for artiklar i relevante forskingstidsskrift.

I tillegg legg prosjektet opp til at leiing og lærarar frå Fjellhamar besøker OsloMet for å dele erfaringar med leikbasert matematikkundervisning.

Prosjektet har som mål å utforske korleis relevant og skapande lese‑ og skriveopplæring kan styrke elevars motivasjon for læringsarbeid, og i forlenginga av dette styrke lese- og skrivekompetansen til elevane.

Forskarteamet kombinerer ulike fagtradisjonar og didaktiske perspektiv, blant anna skapardidaktikk, lese- og skriveopplæring og inkluderande, utforskande praksisar.

Prosjektet blir gjennomført i samarbeid med to lærarar og klassene deira på 9. trinn. Basert på tidlegare forsking, erfaringane til lærarane og det erfarte behovet til skuleleiinga, skal prosjektdeltakarane utvikle didaktiske intervensjonar som skal prøvast ut i ulike klasserom.

Intervensjonane skal gjennom prosjektet justerast på bakgrunn av erfaringane med gjennomføring som lærarane, elevane og forskarane har, og prosessen skal dokumenterast gjennom intervju- og observasjonsdata og elevarbeid. 

Deltakande skole: Solvang ungdomskole

Deltakarar frå OsloMet: Per Øyvind Sollid, Nanna Paaske og Vanja Røkkum Jahnsen