Etter å ha vore forskar og forskingsleiar ved Fafo Institutt for arbeidslivs- og velferdsforsking i meir enn 20 år, starta Anna Hagen Tønder som instituttleiar for Institutt for yrkesfaglærarutdanning ved OsloMet i 2023.
Forskinga hennar ved Fafo dreidde seg særleg om fag- og yrkesopplæring og samarbeid mellom skole og arbeidsliv. Tidlegare har ho mellom anna jobba på Handelshøgskolen BI og på Nordisk institutt for studiar av innovasjon, forsking og utdanning (NIFU).
Kvifor likar du jobben som instituttleiar ved Institutt for yrkesfaglærarutdanning?
– Eg har ei sterk fagleg og personleg interesse for fag- og yrkesopplæringa og for yrkesfaga sin plass i samfunnet. Yrkesfaglærarane speler ein viktig rolle i møtet med utfordringane i samfunnet. Noreg treng fagarbeidarar, og interessa for yrkesfag blant ungdom har aldri vore større enn i dag. Dyktige yrkesfaglærarar ein er ein føresetnad for at fleire unge skal fullføre vidaregåande opplæring med ein kompetanse som arbeidslivet og samfunnet treng, no og i framtida.
– Institutt for yrkesfaglærarutdanning er det største yrkespedagogiske miljøet i Noreg og Norden og eit spanande fagmiljø med mange dyktige medarbeidarar som både underviser og forskar. Det er utfordrande og inspirerande å få vere med på å utvikle instituttet i samarbeid med tilsette og studentar.
Har du ein «fun fact» om deg sjølv som mange ikkje veit?
Eg tok to års permisjon frå forskarjobben frå 2017 til 2019 for å ta ein møbelsnikkarutdanning.
