Folkehelseundersøking Oslo kommune gjennomførte i 2024 ga unike funn som kan brytast ned til små bomiljø i bydelane.
Felles workshop
I slutten av september var forskarar frå OsloMet, Kristiania og NMBU, representantar frå etatar, bydelar og byrådsadministrasjonen i Oslo kommune, og innovasjonsdistriktet Punkt Oslo samla i ein workshop for å sjå på korleis ein kan jobbe vidare med resultata av folkehelseundersøkinga.
Målet var å kople saman forskarar som kan analysere data, med kommunen sine tilsette som kjenner godt til behova i tenestene.
– Eg er glad for at så mange dyktige og dedikerte tilsette frå institusjonane deltok i workshopen, seier Carl Thodesen, prorektor for samarbeid og samfunnsforbetringar ved OsloMet.
– Skal vi finne gode løysingar på utfordringane i byen, er det viktig å komme saman på tvers av kunnskapsinstitusjonar og praksisfelt. Ved å kople saman kunnskapen og erfaringane våre har vi større moglegheit til å utvikle kommunen sine tenester til gode for befolkninga i Oslo, seier Thodesen.
Utanforskap, psykisk helse og nærmiljø
Dei tre hovedtemaa som blei diskutert i workshopen var:
- Minoritetsbefolkninga: fysisk og psykisk helse, utanforskap
- Unge vaksne: psykisk helse, utanforskap
- Nærmiljø: Folkehelse i framtidig byutvikling
Kvar av temabolkene hadde innleiarar frå både OsloMet og Oslo kommune, som trekte fram konkrete utfordringar og korleis ein kan samarbeide om å finne gode løysingar.
