Ingrid Espelid Hovig var ein av våre mest innverknadsrike formidlarane av kosthalds- og matkultur. I ånda hennar skal prisen i år gå til ein person som har utmerkt seg som ein inspirerande formidlar og pådrivar i arbeidet for eit sunt norsk kosthald, og dessutan for å bevare og føre vidare norske mattradisjonar og matkultur samla sett.
Prisen blir delt ut av Stiftinga Norsk Mat.
Etter ein open nominasjonsprosess har styret og fagjuryen valt ut fire finalistar blant dei 38 nominerte, og OsloMet-forskar Annechen Bahr Bugge er ein av dei.
– Dette er velfortent, og resultatet av fleire tiårs innsats på området. Vi er stolte og glade for at Annechen er nominerte til denne prisen, seier instituttdirektør Eivind Jacobsen ved SIFO.
Profilert matforskar
Sosiolog og forskar Annechen Bahr Bugge har ei doktorgrad om den norske middagspraksisen. Ho står bak det omfattande bokverket «Fattigmenn, tilslørte bondepiker og rike riddere» om norske matvanar frå 1500-talet og fram til i dag, har ei rekkje vitskaplege publikasjonar og er ein profilert matformidlar gjennom media.
Ho leier forskingsprosjektet FoodLessons, der ein ser nærare på den kulinariske arven vår som ein mogleg ressurs i bygginga av «Matnasjonen Norge 2030». Prosjektet har som mål å vise at matglede, matkultur, kosthald, helse og produksjon av mat hengjer nøye saman.
Annechen er mellom anna bidragsytar til Store Norske Leksikon, og ho har skrive denne flotte artikkelen om Ingrid Espelid Hovig (snl.no).
Stem på din favoritt
Fristen for å stemme er 22. januar.
Prisen blir delt ut på Stiftinga Norsk Mat sitt 30-årsjubileum 15. februar 2024. Kven som vinn, blir avgjort av både stemmene til folket og fagjuryen, som tel likt.
Dei andre nominerte er Margit Dale, Inger Lise Fevang Jensen og Kari Støfringsdal.
Du kan stemme nedst på nettsida til Stiftinga Norsk Mat om prisen (stiftelsennorskmat.no)
