Om kommunen
Asker kommune blei etablert 1. januar 2020 etter samanslåing av Hurum, Røyken og Asker kommunar. Kommunane brukte FN sine berekraftsmål som rammeverk for bygging av den nye kommunen, og berekraftsmåla er no integrert som del av samfunnsutviklinga og kommuneplanen. I byrjinga av 2026 hadde Asker 101 509 innbyggarar, noko som gjer Asker til Noregs 8. største kommune målt i innbyggartal.
Asker har eit areal på 378 km2. Kommunen grensar til Bærum i nord, Lier i vest, Drammensfjorden i sørvest og Oslofjorden i aust, og har ei kystline på nærmare 197 km. Asker kommune har variert natur som spenner frå skog og kulturlandskap til fjorder, innsjøer og øyer. Store delar av kommunen er skog (68 %), 11 % er dyrka mark, medan 3,5 % av arealet er ferskvatn.
Asker sentrum er vårt største sentrum og kommunesenter. I tillegg har vi 9 lokalsenter og 26 nærsenter. Lokalsentra er Tofte, Sætre, Spikkestad, Røyken, Slemmestad, Heggedal, Holmen, Vollen og Dikemark.
Samarbeid med OsloMet
Asker kommune og OsloMet har inngått ein samarbeidsavtale som skal bidra til auka og målretta bruk av forskingsbasert kunnskap i kommunen si tenesteutvikling og innovasjonsarbeid. Asker og OsloMet skal etablere konkrete samarbeid innanfor blant anna desse områda:
- Kunnskapsutvikling: auka bruk av forskingsbasert kunnskap i kommunen si tenesteutvikling og innovasjonsarbeid, og bidra til at ny forsking blir relevant, for å gi nytteverdi for kommunale tenester og resultat som kan tas i bruk.
- Innovasjon og nytenking: å styrke samarbeidet om innovasjon og berekraftig utvikling.
- Nasjonale og internasjonale FoU-prosjekt som er relevante for kommunen.
- Pilotering og eksperimentering innanfor kommunale tenesteområde og samfunnsutvikling.
- Auka omfang og kvalitet i praksis og masteroppgåver for universitetet sine studentar innan utvalte område.
- Etter- og vidareutdanningstilbod og rettleiing i høgre utdanning for kommunen sine tilsette.
Toppbilde: Paraplyar i Smuget (Foto: Ronny Boysen)
