Om kommunen
Gjerdrum er ein kommune på Romerike i Akershus fylke, med administrasjonssenter på Ask.
Kommunen har rundt 7 500 innbyggaraar og eit areal på 83 km². Landskapet er prega av jord- og skogbruk, ravinelandskap og opne kulturlandskap, mens Romeriksåsen i vest gir gode moglegheiter for rekreasjon og friluftsliv året rundt.
Nærleiken til både Oslo og Oslo lufthavn gjer Gjerdrum attraktiv for tilflytting, og mange innbyggarar pendlar til arbeid i regionen. Ask fungerer som kommunesentrum, med kommuneadministrasjon, handel, service og eit aktivt kultur- og organisasjonsliv. Næringslivet er variert, men hovudsakleg småskala og lokalt forankra, med tyngdepunkt innea tenesteyting og landbruk.
Samarbeidet med OsloMet
Gjerdrum kommune og OsloMet har inngått ein intensjonsavtale om samarbeid med mål om å styrke kompetanse, rekruttering og kunnskapsutvikling i kommunen.
Samarbeidet omfattar blant anna rekruttering til OsloMet sine studium, praksisplassar for studentar i kommunale tenester, etter- og vidareutdanning for tilsette, rettleiing av studentoppgåver, offentleg sektor-ph.d. og felles forskings- og utviklingsprosjekt.
Vi legg også vekt på pilotering og innovasjon innan kommunale tenester og samfunnsutvikling.
Samarbeid om eit læringssenter om leirskred
Gjerdrum kommune og OsloMet samarbeider om å etablere eit læringssenter for leirskred og førebygging. Målet er å styrke kunnskapen om geologiske forhold og beredskap gjennom forsking, erfaringsdeling og kompetanseutvikling.
Når konkrete samarbeidsområde er etablert, vil intensjonsavtalen bli følgt opp med eigne samarbeidsavtalar.
