Les meir om disputasen på den engelske nettsida.
Samandrag
Dei siste fem til ti åra har klimaendringar utvikla seg frå å vere eit tema for offentleg debatt til å bli ein gjennomgripande samfunnsdimensjon. Likevel blir sambandet mellom klimaendringar og den norske olje- og gassindustrien sjeldan uttrykt eksplisitt. Diskusjonar om eit grønt skifte blir ofte ramma inn i nasjonale økonomiske termar heller enn globale økologiske.
Dette prosjektet undersøker faktorar som bidrar til dette skiljet, med fokus på journalistiske normer, rutinar og ansvar. Det introduserer også eit nytt konseptuelt rammeverk for å studere klimaendringar i media, som fangar korleis forteljarar knyt eller skil klima og olje, og korleis nye forteljingar oppstår.
Nøkkelfunn synar at journalistikken si evne til å framheve klima-olje-sambandet i Noreg er avgrensa på grunn av oljeindustriens hegemoni og journalistiske normer og rutinar. Likevel finst det potensial i journalistisk forteljing som utforskar ulike framtider og fortider, og som går utover forteljinga om "det norske oljeeventyret."
