Tildelinga er ein del at regjeringa si nye satsing på kvanteteknologi, og Institutt for informasjonsteknologi på OsloMet samarbeider her med Sigma2, Simula og SINTEF i forskingssamarbeidet «Quantum Extension of the Norwegian Research Infrastructure».
I dette prosjektet skal det blant anna byggast infrastruktur og kompetanse som gjer at norske forskarar får saumlaus tilgang til ei av dei første store forskingsdatamaskinane i Europa, LUMI-Q.
– Denne støtta gjer oss betre i stand til å bidra innan forsking på kvanterekning i Noreg, seier professor Sølve Selstø, som står i spissen for Kvantehuben på OsloMet.
– Det vil vi gjere både ved å simulere kvantedatamaskinar på kraftige, klassiske datamaskinar og ved å få tilgang til faktiske kvantedatamaskinar.
– Vi vil også nytte denne tilgangen til å utvikle praktiske treningskurs i kvanterekning - kurs som vi kjem til å tilby andre forskarar og industripartnerar.
Professorane Sergiy Denysov og Sølve Selstø, og instituttleiar Andre Brodtkorb er med i prosjektet, som altså har fått åtte millionar til å styrke nasjonal forskingsinfrastruktur for kvanteutrekningar.
Les meir om satsinga:
- 8 millioner til kvantesamarbeid (ansatt.oslomet.no)
- 43 millionar kroner til satsing på kvanteteknologi (regjeringen.no)
- 43 millionar kroner til satsing på kvanteteknologi (forskningsradet.no)
- Lanserte storsatsing på OsloMet - OsloMet
Kontakt
Meir om kvantedatabehandling
På konferansen QiT Norway heldt instituttleiar André Brodtkorb eit tankevekkjande foredrag om korleis kvantedatabehandling kan revolusjonere den teknologiske framtida vår.
Divisjonsdirektør ved Simula, Are Magnus Bruaset, er tilsett som professor II ved OsloMet. Samarbeidet skal få kvanteteknologi på forskingsagendaen.
Martin og Gunn Heidi håpar fleire får auga opp for kvantefysikken. Dei er begge studentar på vidareutdanninga «Introduksjon til kvanteverda for nyfikne».
