Vi nyttar norske registerdata som omfattar den sysselsette befolkninga i heile landet. For å overkomme avgrensinga til registerdata – mangelen på direkte informasjon om arbeidsmiljøfaktorar – koplar vi registerdata med ulike jobbeksponeringsmatriser (JEM) baserte på dei norske levekårsundersøkingane om arbeidsmiljø.
Desse matrisene kartlegg systematisk kva arbeidsbelastningar og arbeidsmiljøfaktorar sysselsette blir eksponerte for i ulike yrke.
Med utgangspunkt i norske registerdata og ulike jobbeksponeringsmatriser forskar vi på
- omfanget av ulike arbeidsbelastningar ulike yrke blir eksponerte for i det norske arbeidslivet
- kjønns- og profesjonsforskjellar i arbeidsbelastningar og dei helsemessige konsekvensane deira
- sosial ulikskap og klasseforskjellar i arbeidsbelastningar
- omfanget av fleire typar arbeidsbelastningar i ulike yrke (kombinerte eksponeringar) og betydning av fleire typar arbeidsbelastningar for sysselsetting og helse over tid
- samspelet mellom arbeidsbelastningar og omsorgsforpliktelsar for arbeidshelsa til kvinner
Forskingsgruppa er del av forskingsnettverket under Kompetansesenter for arbeidsinkludering (KAI).
Forskingsgruppeleiar
Medlemmer
Meir om forskingsgruppa
Dei forskingsmessige målsettingane til gruppa er å
- vidareutvikle og validere jobbeksponeringsmatriser (JEMer) til bruk i norske registerdata
- kartlegge fordelinga av arbeidsbelastningar på tvers av kjønn og yrke i Noreg
- identifisere risikogrupper som er særleg utsatt for fleire typar arbeidsbelastningar
- forske på sosial ulikskap og klasseforskjellar i arbeidsbelastningar
- undersøke korleis ulike arbeidsbelastningsr påverkar arbeidshelse over tid
Forskingsgruppa ønsker å
- synleggjere forskjellar i arbeidsbelastningar mellom ulike yrkesgrupper og kjønn
- bidra til økt medvit om tydinga av fleire typar arbeidsbelastningar (kombinerte eksponeringar) for arbeidshelsa
- bidra med kunnskap som kan redusere ulikskap i arbeidsrelatert helse
Samarbeid
Forskingsgruppa består av forskarar frå Fakultet for samfunnsvitskap, Fakultet for helsevitskap og Senter for profesjonsstudiar. Vi har også eit aktivt samarbeid med Statens institutt for arbeidsmiljø (STAMI).
Publikasjonar
- Espen, Dahl; van der Wel, Kjetil A. ; Hermansen, Åsmund ; Bråthen, Magne (2025). Work Hazards and Social Class among ‘successful’ ALMP-Participants in Norway. Journal of Comparative Social Work. Vol. 2024 (journalsuis.no).
- Hermansen, Åsmund (2024). An Occupational Mechanical Job Exposure Index based on five Norwegian nationwide Surveys of Living Conditions on work environment. BMC Research Notes. Vol. 17 (bmcresnotes.biomedcentral.com).
- Wondemu, Michael Yisfashewa ; Hermansen, Åsmund ; Joranger, Pål ; Brekke, Idunn (2024). Sickness absence among mothers caring for a child with disability: Examining the impact of mechanical and psychosocial occupational exposures. 9 s. SSM - Population Health. Vol. 25 (scinecedirect.com).
- Le, Giang Huong ; Hermansen, Åsmund ; Dahl, Espen (2023). Return to work after cancer–the impact of working conditions: A Norwegian Register-based Study. 13 s. Journal of cancer survivorship (link.springer.com).
- Le, Giang Huong ; Hermansen, Åsmund ; Dahl, Espen (2023). Constructing and validating an Occupational Job Strain Index based on five Norwegian nationwide Surveys of Living Conditions on work environment. BMC Public Health. Vol. 23 (bmcpublichealth.biomedcentral.com).
- Hermansen, Åsmund ; Dahl, Espen (2022). Constructing and validating an Occupational Mechanical Job Exposure Index based on five Norwegian nationwide Surveys of Living Conditions on work environment. 12 s. BMC Public Health. Vol. 22 (bmcpublichealth.biomedcentral.com).
