Ph.d.-prosjekt som utforskar korleis kunstig intelligens kan brukast i skolen på måtar som inviterer elevar til aktiv utforsking og dialog som ein nyttig samtalepartnar i KRLE.
Korleis kan kunstig intelligens brukast i skolen på måtar som inviterer elevar til aktiv utforsking og dialog, framfor passiv bruk? Prosjektet undersøker korleis KI kan bli ein nyttig samtalepartnar for ungdomsskoleelevar i KRLE, der samarbeid og dialog står sentralt.
Forskingsprosjekt som utforskar korleis kunstig intelligens kan som støtte i skolearbeid. Eit viktig utgangspunkt er at læring skjer gjennom dialog og samarbeid, både mellom elevar og i samspel med KI. Derfor arbeider elevar saman i grupper, der samtala rundt skjermen og dialogen med KI er ein sentral del av læringsprosessen.
Målet med prosjektet er å finne ut korleis KI kan fungere som ein pedagogisk sparringspartnar for elevar på ungdomssteget i tverrfaglege prosjekt med KRLE. Prosjektet er relevant for lærarar, skolar, lærarutdanning og andre som er opptatte av god og ansvarleg bruk av KI i skolen.
Prosjektet undersøker tre forskingsspørsmål:
- Korleis kan KI vere ein ressurs til utforskande læring?
- Korleis fungerer samhandlinga til elevane med kvarandre og med KI?
- Korleis fungerer KI som partnar i interaksjon med elevar og lærarar?
I prosjektet blir KI brukt i ulike roller, blant anna som støtte i planlegging av prosjektarbeid, som samtalepartnar i møte med fagstoff, i roller som historiske eller religiøse personar for å utforske ulike perspektiv, og som bildegenerator der elevar lagar visuelle uttrykk.
Metode
Forskingsdesignet bygger på pedagogisk designforsking, og utviklar læringsaktivitetar i samarbeid med lærarar, som blir prøvde ut i klasserom på ungdomssteget. Læringsaktivitetane blir testa, blir justerte og forbetra undervegs basert på erfaringar frå undervisninga og observasjonar av arbeidet til elevane.
Simon Simchai Hansen sine publikasjonar (nva.sikt.no).
