Ph.d.-prosjektet undersøker korleis geografisk kunnskap blir utforma i Kunnskapsløftet 2020.
Både i Noreg og internasjonalt er det ei dreiing frå kunnskapsorienterte til kompetanseorienterte læreplanar. I Kunnskapsløftet 2020 (LK20) er ikkje geografi lenger er eit eige hovudområde i samfunnsfag, men integrert med andre fagområde.
Prosjektet undersøker:
- korleis geografisk kunnskap blei rekontekstualisert til og i læreplanen.
- korleis grenser mellom geografi og andre fagområde i samfunnsfag blei forhandla.
Metode
Studien bygger på analysar av intervjumateriale, læreplandokument og saksdokument knytte til utvikling av læreplanen i samfunnsfag.
Relevans
Studien bidrar til:
- Å belyse korleis avgjerder om utforming av geografisk kunnskap i læreplanen blei tatte, og korleis ulike aktørar samhandla og forhandla gjennom prosessen.
- Å undersøke korleis disiplinfagleg kunnskap blir utforma i læreplanar.
- Å diskutere korleis geografisk kunnskap kan formast ut i ein læreplan som legg til rette for at geografi kan ha eit myndiggjerande bidrag for elevar.
På denne måten er prosjektet relevant for både framtidige prosessar for utarbeiding av læreplanar og for lærerutdannere og lærarar som arbeider med læreplanen i samfunnsfag.
Ingrid Løken sine publikasjonar (nva.sikt.no).
