Ein mangfaldig barnehage

Konferansen blir arrangert i samarbeid med Rosa kompetanse i Foreningen FRI.

Programmet er under utarbeiing og vi har opna for å levere konferansebidrag (Call for papers). Fristen er 20. februar.

Konferansen samlar forskarar, lærerutdannere, studenter og ansatte i barnehagar til ein møteplass for kritiske perspektiv på barnehagelærarutdanningane i Noreg. 

Korleis kan barnehagar og barnehagelærarutdanningar møte ulike identitetar, ha eit kritisk blikk på maktstrukturar og bygge bru mellom ulike minoritetsgrupper på ein måte som er både forskingsbasert og praktisk relevant?

Gjennom konferansen ønsker vi å styrke forskningsbasert kunnskap og pedagogisk praksis om korleis barnehagen og utdanninga av barnehagelærarar kan møte eit samfunn prega av hypermangfald, komplekse maktstrukturar og utfordringar. Saman ønsker vi å styrke mangfaldskompetansen til barnehagetilsette ved å utforske korleis perspektiv på samansette identitetar, normer og maktstrukturar kan gi oss nye inngangar til inkluderande praksis.

Målet er å dele kunnskap, erfaringar og idear som styrker den pedagogiske verksemda til barnehagane.

Kva for konferansebidrag ønsker vi?

Korleis styrkar vi mangfaldskompetansen til barnehagelærarane?

Vi ønsker bidrag som speglar mangfaldet av teoretiske, metodiske og empiriske inngangar til spørsmål om kjønn, seksualitet, klasse, etnisitet, funksjonsevne, alder, språk, religion, og andre kryssande identitets- og maktforhold.

Konferansen er open for både etablerte forskarar og nye stemmer, og det er rom for å presentere alt frå prosjektidear til igangverande eller ferdig arbeid.

I etterkant av konferansen vil det bli arbeidd med ein fagfellevurdert antologi på Universitetsforlaget, der utvalde konferansebidrag kan vidareutviklast til kapittel.

Du kan presentere på norsk, andre skandinaviske språk og engelsk. 

Kontakt

• Linn Yttervik i Foreningen Fri: linn@foreningenfri.no