Ph.d.-prosjekt som har som mål å fremme kritisk håp, refleksjon og dialog blant elevar på 7.-trinn i Noreg og Danmark gjennom bruk av ordlause bildebøker (stillebøker).
Ph.d.-prosjekt som har som mål å fremme kritisk håp, refleksjon og dialog blant elevar på 7.-trinn i Noreg og Danmark gjennom bruk av ordlause bildebøker (stillebøker).
Prosjektet undersøker korleis ordlause bildebøker (stillebøker) om krig og migrasjon kan brukast i litteraturundervisninga for å synleggjere kompleksiteten og materielle forhold knytte til krig og migrasjon i samarbeid med norsk- og dansklærarar.
Studien blir gjennomført i klasserom der elevar har ulike erfaringar og posisjonar, for eksempel som majoritetselevar eller rasialiserte minoritetar. Bøkene kjem inn på tema som menneskerettar og sosial rettferd, og blir diskuterte i ei tid med aukande framandfrykt, høgreekstremistiske krav om “remigrasjon” og hatefulle ytringar.
Målet med prosjektet er å undersøke korleis elevar på 7. trinn reagerer på tre ulike stillebøker om krig og migrasjon. Samtidig ser vi på korleis lærarar kan legge til rette for kritiske og antirasistiske samtaler om kvifor krig skjer og kvifor migrantar og flyktningar kan møtast med ulik behandling og ulike moglegheiter i samfunnet.
I tillegg blir lærarar intervjua om kva erfaringar, strategiar og utveljingskriterium dei legg til grunn når dei blir presenterte for eit utval ordlause bildebøker om krig og migrasjon.
Prosjektet fokuserer på spørsmål om menneskerettar, sosial rettferd, og refleksjonane til elevane og lærarane over globale og nasjonale maktforhold og ulikskapar.
Metodisk bygger prosjektet på feministisk deltakande aksjonsforsking (FPAR). Forskaren samarbeider med norsk- og dansklærarar om å planlegge, gjennomføre og vidareutvikleundervisningsopplegg. Data blir samla inn gjennom observasjonar, kreative elevaktivitetar som video- og lydopptak, semi-strukturerte gruppeintervju med elevar og intervju med lærarar.
Camilla Jensen sine publikasjonar (nva.sikt.no)
Stipendiat
Rettleiarar
Nina Christensen, Aarhus Universitet
