Målet med prosjektet er å støtte motstandskrafta i lokalsamfunn i krigsramma område i Palestina og Ukraina.
Dei øydeleggande krigane i Palestina og Ukraina har i stor grad forstyrra høgare utdanningssystem. Universitet står overfor utfordringar som øydelagd infrastruktur, avgrensa tilgang til ressursar og mangel på praktiske opplæringstilbod for studentar.
Desse utfordringane oppstår parallelt med andre kritiske samfunnsutfordringar knytt til urban motstnadskraft, som vassforvaltning, berekraftig energi, bustad og ly, matsikkerheit og likestilling.
Problema blir ytterlegare forsterka av manglande ferdigheiter i innsamling, analyse, handtering og deling av feltdata – ferdigheiter som er avgjerande for å kunne utvikle løysingar som støttar motstandskraft i lokalsamfunn.
Dei identifiserte behova omfattar opplæringsplanar, praktiske casestudiar og FAIR datastyring for å møte utfordringar innan urban resiliens knytt til energi, bustad, ly, matsikkerheit, vatn og likestilling. Samarbeid med EU-universitet og partnarar gjennom felles program, mentorordningar og kapasitetsbygging vil hjelpe krigsramma universitet med å utvikle strategiar for gjenoppbygging og støtte sine lokalsamfunn.
Som svar på det akutte behovet for motstandskraft i krigsramma område, vil FORWARD utvikle eit tverrfagleg nettbasert opplæringsprogram i urban resiliens. Programmet rettar seg mot studentar og akademikarar frå relevante fagområde (t.d. byplanlegging, krisehandtering, ingeniørfag, informasjonsteknologi), samt profesjonelle frå ikkje-akademiske institusjonar og sivilsamfunnsorganisasjonar som arbeider på feltet.
For full prosjektbeskriving, sjå den engelske versjonen av denne sida.
