KI-basert pasientavatar i fysioterapeututdanning

Prosjektet skal utvikle ein KI-basert pasientavatar som let fysioterapeutstudentar øve på profesjonelle kommunikasjonsferdigheiter tidleg i studieløpet, og dessutan utarbeide ein implementeringsstrategi for bruk i fysioterapeututdanninga.

Samskapning, i form av workshops og prototypetesting, står heilt sentralt i prosjektet og blir kombinert med smidig programvareutvikling.

Prosjektet kombinerer ekspertise innan fysioterapi, datavitskap og helseteknologi for å utvikle ein språkmodellbasert pasientavatar som styrker fysioterapeutstudentar sin kommunikasjons- og anamnesekompetanse tidleg i studiet.

Målet er å utvikle både pasientavataren og ein implementeringsstrategi for integrering i fysioterapiprogrammet.

Utviklinga av ein KI-basert pasientavatar skjer gjennom samskapning mellom

• studentar og undervisarar ved fysioterapiprogrammet ved Institutt for rehabiliteringsvitskap og helseteknologi (RHT)
• IT-studentar ved Fakultet for teknologi, kunst og design (TKD)
• pasientrepresentantar og forskarar frå RHT og TKD, som er knytt til forskingsgruppa Senter for intelligent muskelskjeletthelse (CIM) ved OsloMet