Samarbeid for å styrke studentaktive og integrerte læringsformer i fysioterapiutdanning (We-SAIL)

Prosjektet samskapar, prøver ut og deler studentaktive, integrerte læringsopplegg i første studieår for å støtte studentar sin overgang til fysioterapistudiet og framme gode læringsmiljø.

Prosjektet er eit nytt utdanningsutviklingsprosjekt i utdanningsnettverket ISAIL (Nordic initiative for promoting student activities for independent and lifelong learning in physiotherapy).

WeSAIL tar for seg utfordringar i første studieår i fysioterapi, blant anna høgt fråfall, behov for tydeleg støtte i overgangen til studiet og meir samarbeidsorienterte læringsmiljø.

Målet er å lette overgangen til studiet, auke engasjement og meistringstru, styrke yrkesrelevante ferdigheiter og dele erfaringar som gir varige forbetringar.

Med erfaringane frå ISAIL (Nordplus 2020–2023) arbeider studentar og undervisarar saman om å utvikle, prøve ut og vurdere studentaktive og integrerte læringsopplegg. Eksempel er PAL-studiegrupper, inkluderande læringsaktivitetar, nye undervisnings- og læringsmetodar og digitale ressursar.