Heilskapleg tilnærming til auka studentutveksling ved barnehagelærarutdanninga (HETBLU)

HETBLU-prosjekt har som mål å styrke kultur for internasjonalisering og auka studentutveksling ved barnehagelærarutdanninga.

I prosjektet HETBLU er vi opptatte av å styrke kulturen for internasjonalisering og inspirere både tilsette og studentar til auka studentutveksling ved barnehagelærarutdanninga.  

Hovudmålsettinga med prosjektet er stor og varig auke i antal studentar som reiser på utveksling til utlandet ved barnehagelærarutdanninga.

Tradisjonelt har utveksling vore knytt til administrative oppgåver. Ambisjonen vår er at fleire utvekslingstilbod skal nå studentar gjennom skreddarsydd informasjon. Fokus er då å forbetre fagleg læringsutbytte ved studentutveksling.

Gjennom tverrfaglege COIL (Collaborative Online International Learning)-prosjekt med Belgia skal fagleg samarbeid med studentar og tilsette ved partnarinstitusjonar løfte fram internasjonale perspektiv. BIP (Blended Intensive Programmes) med Belgia vil gi moglegheit for kort studentutveksling, mens utveksling til land i sør skal vere på minimum tre månader.

India (Kolkata) i samarbeid med NCI – Nordic Center India blei eit nytt og attraktiv praksisutvekslingsstad i februar 2024. Meir strategisk oppfordring om auka deltaking i utvekslingsprogram, inkludert lærarutveksling både ut og inn, skal bidra til promotering av studentutveksling.

Studentinvolvering og medverknad i ulike fasar vil vere ein ressurs for rekruttering av fleire studentar. Gjennom informasjon og kunnskapsspreiing håpar vi å snu ein nedovergåande studentutvekslingstrend og etablere kultur for studentutveksling med tilsette og leiing involvert i ulike tiltak.  

Vi trur det vil ha ein stor effekt om tiltaka i prosjektet engasjerer fleire lærarar i internasjonaliseringsverksemd gjennom koplingar til ulike fagemne i utdanninga.

Foto øvst på sida: Tumwine Andrew Micheals